- 10 -
1421 (11. lipca) W piątek przed Małgorzatą etc.
Uwolnienie od postawionych zarzutów Hannosa Proschwicza, woźnicy z Trutnowa etc.
— Am montage nach Margarethe [14. lipca] haben uns der erbfoyt und scheppen uff dem SmedewerkeKowary bey HirsbergJelenia Góra eynen brieff gesant von worte zu worte eyns sulchen lutes: den erbern und gar weisen herren burgermeister und ratmann zu BreslawWrocław, iren besundern liben herren, erbfoyt und scheppen uf dem Smedewerke bey Hirsberg willigen dinst mit allem fleisse zuvor, erber weise lieben herren, uns ist zu wissen worden, wy ewer weise vorsichtikeit hat lan uffnemen in ewer stathaffte eynen furman Hannos ProschwiczPochodzący z Prosečné (niem.: Proschwitz) pow. Trutnov, w Rep. Czeskiej von TrutenowTrutnov (niem.: Trautenau) w Rep. Czeskiej, von dem wir ny anders erfaren noch errkant haben denn gut, auch sent vor uns komen die erbern und fromen hernach geschreben miteburger von Trutenow, und haben vor uns becant an eydes stat, wie der obgenannte Hannus Proschwiczer sich fromelich und erbarlich in der stat mit in wonende gegen arm und reich in guter mitesamkeit habe gehalden, also das sie nye keyne unendilkeit von im haben erfaren. Hirumme bitten wir mit denselben hernachgeschrieben erbern leuthen von Trutenow ewer weise vorsichtikeit, als wir konnen mit allen fleisse, das ir geruchet anczusehen got, seyne werde mutter Maria und den vorbenanten Hannus Prochwicz gnediglich uslosset und frey czihen zu seynen kinden, wen im die hussen das seyne genomen haben mitenander, und ap ewer weise vorsichtikeit unsere bete thun wurde. So globen Hermann Pfaffe kirchenbeter, Niclas Pfaffe scheppe, Hermann Menczil eldester, Asman Becke, Augustin Becke, Hannus Czarrer miteburger von Trutenow, Jost Becke vom Smedewerke, Kopperin, Hannus Molner und Hannus Holczschuch czeiger dis briefes vor eynem rechten ewigen orfrede, den ewer erbarkeit, dem rate, scheppen, gesworen, arm und reich der stat Breslaw und all der ewern stetiglich czubehalden.
Geben am nehsten freytage vor Margarethe under unserm ingesigel.
Uff sulche briefe, verschreibunge, bete und globde haben wir den vorgenanten Hansen Proschwiczer aws dem gefengnis gelosen uff eyn derfaren, dor auch vor sich selber globit hat vor orfeyde, und das er von des gefengnis wegen, dorynnen er gesessen hat, nymands hassen, ferden noch vordenken sol noch keynes argen wurten, mit worten noch mit werken dorumen nymand ausprechen noch anlangen geistlich noch werklich in keyne weise.